Mediat ja gulahallan lea studerenráhkkanahtti, muhto lea eanet praktihkalaš fálaldat go oahppospesialiseren. Prográmmafágat lágiduvvojit nu ahte beasat oahppat praktihkalaš bargguid bokte, omd. ovttasbargoprošeavttaid bokte
mediafitnodagaiguin ja bargu bokte nuoraidfitnodagain. Teoriija ja praktihkalaš barggut mannet giehtalagaid, ja don oahpat ollu jiena, gova, filmma, teavstta ja gulahallama birra.

Vuosttas jagi leat dus dát fágat:
Sámegiella 4 dii.
Dárogiella 4 dii.
Eaŋgalsgiella 5 dii.
Luonddufága 5 dii.
Matematihkka 5 dii.
Lášmmohallan 2 dii.
Mediafágat 10 dii.

Mediat ja gulahallanluohkás lea sierra gulahallanoahpaheaddji. Oahppit čuvvot oahppospesialiserenluohká buot fágain earret sámegielas ja mediafágain. Mediafágain lea sámegiella oahpahusgiellan.
Media ja gulahallan lea 3 jagi oahppu, ja don sáhtát váldit buot 3 jagi Kárášjogas.

Maŋŋil joatkkaskuvlla sáhtát váldit alit oahpu ja šaddat omd. journalista, webhábmejeaddji, speallohábmejeaddji, jietnateknihkkár, filbmabuvttadeaddji dahje gulahallanráđđeaddi.
Loga eambbo Mediat ja gulahallama birra dás: https://www.vilbli.no/?Side=1.0&Kurs=&Program=V.ME