RABAS VIRGGIT KÁRÁŠJOGAS

Kárášjohka lea kultuvrralaš, sosiála ja politihkalaš guovddášbáiki sápmelaččaide gos leat máŋga sámi institušuvnna, earret eará Sámediggi ja NRK Sápmi. Báikkis lea ealas kultureallin ja leat olu valáštallan-, dáidda- ja kultuvrafálaldagat. Valáštallamis sáhttá namuhit čuovvovaš rusttegiid nugo goanstarássešillju, 25-mehter vuojadanálddis, valáštallanvisti, čierastallanluohkká ja buorit čuoiganláhtut. Sidjiide guđet liikojit meahcástallat, sáhttá gielda oalgguhit máilmmi buoremus luossajogain, buriid jávrriiguin, skohterláhtuiguin ja bivdo- vejolašvuođaiguin nugo rievssat- ja ealgabivdduin. Kárášjohka lea guovddážis Finnmárkkus ja lagamus girdišilljui lea dušše 72 km.

Sámi joatkkaskuvla Kárášjogas lea stáhta skuvla mas leat sullii 150 oahppi juhkkojuvvon viđa oahppoprográmmii; oahppospesialiseren, dearvvasvuođa- ja bajásšaddanfága, huksen- ja ráhkadusteknihkka, teknihkka ja industriijabuvttadeapmi ja mediat ja gulahallan. Skuvllas leat ođđaáigásaš rusttegat ja buorit lanjat, ee. ođđa huksenhálla ja ođasmahttojuvvon kemiija- ja fysihkkalanjat.
Skuvlla ulbmil lea addit oahpu sámegielas ja sámegillii dan dásis mas oahppi lea. Dát mearkkaša ahte sihke sámegielat ja dárogielat oahppit váldojit sisa. Skuvllas lea buorre bargobiras gos deattuhuvvo oahppanbiras ja oahpaheddjiid fágalaš-pedagogalaš gelbbolašvuođa nannen.

Čuovvovaš virggit leat rahpasat 01.08.18 rájes:

Eanemusat 1,5 gaskaboddasaš oahpahusvirggi sámegielas skuvlajahkái 2018/19
Virgádeapmái gáibiduvvo unnimusat 90 oahppočuoggá sámegielas ja dohkkehuvvon pedagogalaš oahppu. Virggit galget gokčat gáiddusoahpahusa.

Eanemusat 1,5 sadjásaš oahpahusvirgi sámegielas skuvlajahkái 2018/19
Virgádeapmái gáibiduvvo unnimusat 90 oahppočuoggá sámegielas, oahpahangelbbolašvuohta muhtun eará fágas, ja dohkkehuvvon pedagogalaš oahppu. Eaktuda ahte virgelobit addojit.

Eanemusat 100% gaskaboddasaš virgi realfágain skuvlajahkái 2018/19
Virgádeapmái gáibiduvvo unnimusat 60 oahppočuoggá matematihkas, 90 oahppočuoggá fysihkas ja dohkkehuvvon pedagogalaš oahppu. Lea vejolaš ahte virgi rievdaduvvo bistevaš virgin.

Unnimusat 50% gaskaboddasaš oahpahusvirgi huksenfágas skuvlajahkái 2018/19
Virgádeapmái gáibiduvvo fágareive, fidnoteoriija, bargohárjáneapmi ja praktihkálaš-pedagogalaš oahppu dahje eará relevánta oahppu.

75% bistevaš virgi kantiidnaassisteantan
Virgádeapmái gáibiduvvo vuosttažettiin fágareive institušuvdnakoahkkan dahje koahkkan. Maiddái sii geain ii leat fágareive, muhto guhkes bargohárjáneapmi stuorragievkkanis, ávžžuhuvvojit ohcat.

10% gaskaboddasaš virgi oahppiassisteantan

 

Ekonomalaš ovdamunit bargat Finnmárkkus:
Vejolašvuohta oažžut oaniduvvot oahppoloana Stáhta loatnakássas 10 proseanttain jahkái gitta 25.000 ru rádjai.
Hálbbit elrávdnji (ii leat el-diva geavaheapmái)
Unnit vearru

Gusto virgádeapmái pedagogalaš virggiide:

  • Sámegielmáhttu lea dehálaš liigegealbu.
  • Virggit sáhttet juhkkot ja ovttastuvvot olles virggiide
  • Virgádeapmi dahkko gustojeaddji lágaid ja láhkaásahusaid ja stáhtas gustojeaddji tariffa- ja sierrašiehtadusaid eavttuid vuođul.
  • Bálkkás gesso penšuvdnamáksu Stáhta Penšuvdnakássii.
  • Virgádeapmi dahkko 6 mánu geahččalanáiggiin.
  • Dat gii virgáduvvo ferte buktit gustojeaddji politiijaateastta.

Ohcanáigemearri: 10.04.18

Eanet dieđuid oažžu rektoris tlf. 78 46 96 00
Ohcan oktan bargo- ja oahppoduođaštusaiguin sáddejuvvo Sámi joatkkaskuvla Kárášjogas, Poastastobe 113, 9735 Kárášjohka dahje Dát e-boastačujuhus suddjejuvvon spambotaid vuostá. Fertet aktiveret JavaScript jus háliidat oaidnit dan..