Kárášjohka lea kultuvrralaš, sosiála ja politihkalaš guovddášbáiki sápmelaččaide gos leat máŋga sámi institušuvnna, earret eará Sámediggi ja NRK Sápmi.

Báikkis lea ealas kultureallin ja leat olu valáštallan, dáidda ja kultuvrralaš fálaldagat. Valáštallamis sáhttá namuhit čuovvovaš rusttegiid nugo goanstarássešillju, 25-mehter vuojadanálddis, valáštallanvisti, čierastallanluohkká ja buorit čuoiganláhtut. Sidjiide guđet liikojit meahcástallat, sáhttá gielda oalgguhit máilmme buoremus luossajogain, buriid jávrriiguin, skohterláhtuiguin ja bivdo vejolašvuođaiguin nugo rievssat- ja ealgabivdduin.
Kárášjohka lea guovddážis Finnmárkkus ja lagamus girdišilljui lea dušše 72 km.

Sámi joatkkaskuvla Kárášjogas lea stáhta skuvla mas leat birrasiid 150 oahppi juhkkojuvvon viđa oahppoprográmmii; oahppospesialiseren, dearvvasvuođa- ja bajásšaddanfága, huksen- ja ráhkadusteknihkka, teknihkka ja industriijabuvttadeapmi ja mediat ja gulahallan. Skuvllas leat ođđaáigásaš rusttegat ja buorit lanjat. Kemiija- ja fysihkkalanjat leat aiddo divvojuvvon ja ođasmahttojuvvon.
Skuvlla ulbmil lea addit oahpu sámegielas ja sámegillii dan dásis mas oahppi lea. Dát mearkkaša ahte sihke sámegielat ja dárogielat oahppit váldojit sisa. Skuvllas lea buorre bargobiras gos deattuhuvvo oahppanbiras ja oahpaheddjiid fágalaš-pedagogalaš gelbbolašvuođa nannen.

Čuovvovaš virggit leat rahpasat 01.08.17 rájes:

100% sadjásaš virgi sámegielas skuvlajahkái 2017/18
Virgádeapmái gáibiduvvo unnimusat 60 oahppočuoggá sámegielas ja dohkkehuvvon pedagogalaš oahppu. Vásáhusat gáiddusoahpaheamis lea ovdamunni, go virgi galgá gokčat gáiddusoahpahusa.

75 % gaskaboddasaš virgi kantiidnaassisteantan skuvlajahkái 2017/18
Virgádeapmái gáibiduvvo vuosttažettiin fágareive institušuvdnakoahkkan dahje koahkkan. Maiddái sii geain ii leat fágareivve, muhto guhkes bargohárjáneapmi koahkkan, ávžžuhuvvojit ohcat.

Bassiide sadjásaš gean sáhttá rávkat bargui

Gusto virgádeapmái pedagogalaš virggiide:

  • Sámegielmáhttu lea dehálaš liigegealbu.
  • Virggit sáhttet juhkkot ja ovttastuvvot olles virggiide
  • Virgádeapmi dahkko gustojeaddji lágaid ja láhkaásahusaid ja stáhtas gustojeaddji tariffa- ja sierrašiehtadusaid eavttuid vuođul.
  • Bálkkás gesso penšuvdnamáksu Stáhta Penšuvdnakássii.
  • Virgádeapmi dahkko 6 mánu geahččalanáiggiin.
  • Dat gii virgáduvvo ferte buktit gustojeaddji politiijaateastta.

Ohcanáigemearri: 25.07.17

Eanet dieđuid oažžu rektoris tlf. 78 46 96 00
Ohcan oktan bargo- ja oahppoduođaštusaiguin sáddejuvvo Sámi joatkkaskuvla Kárášjogas, Poastastobe 113, 9735 Kárášjohka dahje Dát e-boastačujuhus suddjejuvvon spambotaid vuostá. Fertet aktiveret JavaScript jus háliidat oaidnit dan..