Olu oahppit mieđihit: Sii deattašit, “scrollejit”, čalašit ja gehččet telefovdnii luohkkálanjas. Mánát ja nuorat dárbbašit bargoráfi vai ohppet ja nagodit olahit dan buoremusa. Dan eai nagot jus luohkkálanjas čađat gaskkalduvvot dieđuin mat bohtet telefovdnii ja go čađat fertejit iskat facebooka ja snapchatta. Dan dihte ferejit oahpaheaddjit ja skuvla gieldit mobiilatelefovdna geavaheami oahpahusas.

Lea hui dehálaš ahte buot oahpaheaddjit čuovvulit dán ortnega.

 

Manne telefongielddus oahpahusdiimmuin?

  • Oahppit geat eai oaččo geavahit mobiilatelefovnna diimmus, olahit buoret bohtosiid.
  • Mobiilatelefovdna ja dihtorat suoládit áiggi skuvlabargguin. Dutkamušat čájehit ahte oahppit eanas geavahit mobiilatelefovnna ja dihtora áššiide mat eai gula oahpahussii/fágii.
  • Erenoamážit ohppiide guđet rahčet skuvllas soaitá buorrin go leat čavgasat njuolggadusat mobiilatelefovnna geavaheapmái. Čielga njuolggadusat mobiilageavaheapmái skuvllas sáhttá oažžut ohppiid guovdilastit baicce dan birra mii dáhpáhuvvá oahpahusas.
  • Mobiilatelefovdna ii muosehuhte dušše ovttaskas oahppi, muhto sáhttá maiddái dagahit heajut gulahallama ohppiid gaskkas. Oamastallat sosiála gelbbolašvuođa lea seamma arvvolaš go oamastallat akademalaš gelbbolašvuođa.
  • Gieldin sáhttá unnidit neahttagivssideami; jodel, diimmuin govvidit, čálašemiid j.n.a.

Mobiilatelefovnna geavaheapmi lea lohpi dušše pedagogalaš atnui.

 

Njuolggadusat:

  • Juohke oahpahusdiimmu álggus galget buot oahppit bidjat mobiilaovttadagaid (mobiilatelefovnna, smartdiimmu, neahttabreahta jna) ildui/kássii gos lea sierra sadji juohke oahppi nammii.
  • Jus bargi oaidná oahppi geavaheamen mobiilaovttadagaid diimmus, galgá bargi hállat ohppiin ja ávžžuhit bidjat mobiilla ildui. Oahppi oažžu de meanu mearkkašumi.
  • Jus oahppi biehttala bidjamis mobiilla eret dahje lea golbmii ožžon meanu mearkkašumi, de ferte rektora lusa čuovvolanságastallamii.