Ráđđehus ávžžuha ahte olbmot eai mátkkoš jus ii leat dárbu.

Njoammun nuppástuvvan coronas lassána olles riikkas ja dan dihte čavge Sámi joatkkaskuvla Kárášjogas njoammuneastadandoaibmabijuid guokte vuosttaš vahkku maŋŋil beassážiid. Oahpaheaddjin geain lea oahpahus 1.diimmu maŋŋil beassášluomu galget muitalit makkár njuolggadusat mis leat.

  • Garvit čohkkemis luohkáid kántiinai ja eará oktasašbáikkiide skuvllas, nu guhkás go dat lea vejolaš.
  • Buohkat fertejit geavahit njálbmesuoji, dat biddjojit luohkkálanjaide. Áigut maid háhkat njálbmesuoji mas njálbmi oidno.
  • Muitit doalahit 1 mehter gaska.
  • Buorre giehtabuhtisteapmi ja beavddit bassojit maŋŋil geavaheami.
  • Oro ruovttus jus dus leat vuoiŋŋahatbohcci dávdamearkkat ja váldde corona iskosa.

 

Sii guđet leat leamaš mátkkis olggobealde Finnmárkku fylkka:

  • Bargit ja oahppit geat leat leamaš mátkkis olggobealde Finnmárkku dahje báikkiin gos lea olu njoammun, fertejit váldit corona iskosa dan beaivvi go bohtet dahje vuosttaš skuvlabeaivvi

06.04.21. Ođđa iskos ferte váldot 7 beaivvi maŋŋil nu go FHI ávžžuha. Iskos váldo Rájás ja dohko ii dárbbaš diŋgot diimmu. Buohkat geat váldet corona iskosa leat erremis dassážii 2. iskosis boahtá boađus.

  • Gulahallanoahpaheaddjit fertejit kártet guđe oahppit leat mátkái olggobeallai Finnmárkku ja geain ii leat vejolašvuohta fitnat Rájás váldimin iskosa. Sidjiide diŋgojuvvo iskos dearvvašvuođaguovddážii 06.04.21.
  • Diehtu goas ja gos deaivvadit addojuvvo maŋŋil.
  • Sis geas lea vuoiŋŋahatbohcci dávdamearkkat fertejit váldit ruovttukantuvrra/oahpahusa Teams bokte, dát guoská sihke oahpaheddjiide ja ohppiide. Sii fertejit váldit corona iskosa Rájás dahje váldit oktavuođa dearvvašvuođaguovddážiin tlf bokte 78468500.
  • 3P, 2A ja 2C luohkáin lea oahpahus Teams bokte maŋŋebárgga 06.04.21 rájes gitta dassážii go 2.corona iskos bohtosat bohtet. Sáhttá árvvoštallot ahte eará luohkáin maid šaddá ruovttuoahpahus jus čájehuvvo ahte luohkás lea olu jávkan errema ja vuoiŋŋahatbohcci dávdamearkkaid geažil.

Buohkat fertejit čuovvut FHI.no, regjeringen.no ja Kárášjoga gieldda siidduid jus dattege bohtet ođđa gáržžideamit.

Sáhttet maid boahtit gáržžideamit skuvllas ovdal skuvlaálgima. Dat biddjojit Teamsii ja skuvlla facebook siidui.

Loga eambbo dáppe:

https://www.fhi.no/nettpub/coronavirus/fakta/karantene-og-isolering/?term=&h=1

https://www.regjeringen.no/no/aktuelt/slik-kan-pasken-tilbringes/id2838494/

https://www.helsedirektoratet.no/veiledere/koronavirus/testing-isolasjon-smittesporing-og-karantene/karantene/veiviser-hvilke-karanteneregler-gjelder-for-deg